Scho ganz fréi gouf zu Rëmeleng Minette ofgebaut. Nach Haut fanne mär Iwwerreschter aus dëser Zäit.

Dësen Tuer féiert eis laanscht Klinkerwierk “Intermoselle” an den “alen Escher-Wee”. Hei fanne mär al Gebaier a ganz flott Galerieentréen. Och ass dësen Dall deemools ewéi een “Park” ausgebaut ginn. Weider geet et dann erop bei den ARBED’s Haff, bei d’Fliegerdenkmal an da bei Léiffrächen. Hei gesi mär dat imposant Biergarbechterdenkmal an och déi ominéis Kapell. Da geet et duerch dat grousst Dagebaugebitt nees zeréck.

Ënnerwee kucke mär och wat Minette ass a wéi se entstanen ass.

Dat ganzt mat ville Geschichten an Anekdoten.

Den Tuer huet +- 7 km ass liicht ze goen a mär brauchen +- 3 Stonnen.