Wat huet een Tunnel mat enger Bank ze dinn, fro dir Iech?

Dëst an nach een puer weider Info’en ginn ech Iech op eisem Tour duerch den Tunnel vun der Spuerkeess an deem mir net nëmmen déi aktuell Ausstellung “Young art under ground 2018” mat kreativen, konschtvollen an munchmol witzegen Wierker vun den Schüler aus den Lëtzebuerger Lycée’en gesinn, mee och nach déi wäertvoll permanent Expositioun vum Edward Steichen sengen Fotografien.

Duerno maachen mir eis mam hausinternen Lift erop an den Musée….keng Angscht et ass keen hierkëmmlechen verstëbsten Musée mee éischter eng kleng nostalgesch Rees an eng Zäit wou alles méi lues an gemittlech ofgelaf ass, an och hei wäert ech Iech eenzel kleng Anekdoten erzielen.

Ween elo no dëser Visitt een bësselchen dreschen am Hals ginn ass, mat deem ginn ech gären een Patt Cremant oder Wäin vun eiser Lëtzebuerger Musel drénken.