D’Topographie vun de Mënscherechter ass kee klassesche Sightseeing-Tour vun der Stad Lëtzebuerg, mä konzentréiert sech op Plazen, déi entweder Zeie vu Mënscherechtsverletzunge sinn oder hir Duerchsetzung an hire Schutz symboliséieren.

Am Mëttelpunkt läit d’Entwécklung vum Lëtzebuerger Vollek zu enger oppener, demokratescher an diversifizéierter Gesellschaft, där hir Wäerter hir fest Wuerzelen an der UNO-Mënscherechtserklärung hunn. Gläichzäiteg soll kloer gemaach ginn, datt d’Gesellschaft duerch intern an extern Aflëss konstante Verännerungen ënnerläit an dofir fragil a gefäerdet ass.

D’Zil vun dësem Wee ass de Besicher ze weisen, datt Demokratie a Respekt vun de Mënscherechter och a moderne Staaten net selbstverständlech kënne geholl ginn an datt et wichteg ass, opmierksam ze bleiwen a negativen Tendenzen direkt entgéint ze steieren, ier se d’Gesellschaft eeschtlech a Gefor bréngen.