D’Konzept
D’Zil vu “Guide fir een Dag” ass et, Leit, déi sech viru kuerzem zu Lëtzebuerg niddergelooss hunn oder just eréischt ukomm sinn, esou wéi all aner Interesséierten, originell a virun allem authentesch Visitten unzebidden.
Dëse Projet bréngt Gemeinschaften zesummen, déi sech am Alldag éischter seele begéinen.
D’”Guidë” sinn onofhängeg vun den Touristebüroen, a sollen hinnen och op kee Fall Konkurrenz maachen. Si handelen aus Gaaschtfrëndlechkeet a Begeeschterung fir hir Heemecht andeems si sech bereet erklären, an hirer Fräizäit Visiteure benevole op Plazen ze begleeden, déi hinne selwer um Häerz leien an anere Leit op déi Aart a Weis originell a ganz personaliséiert Visitten unzebidden.